மூன்று மொழிகளில் படம் தயாரிக்கும் மைக் மோகன்

     தமிழ் திரைப்பட வரலாற்றில் இன்னும் உடைக்கமுடியாத சில வெள்ளிவிழா ரெகார்டுகளை தன் பெயரில் வைத்திருக்கும் 'மைக்' மோகன் மீண்டும் தயாரிப்பாளர் அவதாரம் எடுக்கிறார்.

ரொம்ப காலங்கள் ஒதுங்கியிருந்த மோகன் சில வருடங்களுக்கு முன் சுட்ட பழம் என்ற படத்தில் மீண்டும் ஹீரோவாய் வந்தார். ஆனால் அந்தப் படம் சம்பந்தப் பட்ட எல்லார் கையையுமே சுட்டுவிட, மீண்டும் கன்னடப் பக்கமாய் டிவி சீரியல்களை சுட்டுத்தள்ள ஆரம்பித்தார்.
 இடையிடையே மலையாளப் படங்களிலும் அவர் கால்பதித்துக்கொண்டிருப்பார். அவரது இந்த விடா முயற்சிகள் உண்மையிலே பாராட்டுக்குறியவை தான்.

அப்படித்தான் இப்போது அடுத்த முயற்சியாய் மலையாளத்தில் சமீபத்தில் வந்து வெற்றி பெற்ற காமெடிப்படமான 'பியூட்டிபுல்'லை தமிழ், தெலுங்கு, கன்னடம் என மீதமிருக்கும் மூன்று தென்னிந்திய மொழிகளில் ரீமேக் செய்யப் போகிறார். அதுவும் ஒவ்வொரு மொழிக்கும் வேறு வேறு இயக்குநர்கள், நடிகர்கள் இருப்பார்களாம்..