டைரக்டர் பூபதி பாண்டியன் டைரக்ட் செய்யும் புதிய படத்தில் ’ஆக்ஷன் கிங்’ அர்ஜூனின் மூத்த மகள் ஐஸ்வர்யா ஹீரோயினாக அறிமுகமாகிறார்.
விரைவில் ரிலீஸாக இருக்கும் 'சமர்' படத்திற்குப் பிறகு விஷால் நடிக்கும் புதிய படம் தான் 'பட்டத்து யானை'.
இந்தப் படத்தை பூபதி பாண்டியன் டைரக்ட் செய்கிறார். 'மலைக்கோட்டை' படத்தின் வெற்றிக்குப் பிறகு விஷாலும், பூபதி பாண்டியனும் இணையும் இரண்டாவது படம் இது.
இந்தப் படத்தில் விஷாலுக்கு ஜோடியாக ’ஆக்ஷன் கிங்’ அர்ஜூனின் மூத்த மகள் ஐஸ்வர்யா ஹீரோயினாக அறிமுகமாகிறார். முக்கிய காமெடி கேரக்டரில் சந்தானம் நடிக்கிறாராம்.
படத்தின் ஸ்டோரியைச் சொன்னவுடன் ஐஸ்வர்யா இந்தப் படத்தில் நடிக்க சம்மதம் சொல்லிவிட்டார். ஒரு பிரபல நடிகரின் மகளுடன் இணைந்து வேலை செய்யப்போவது எனக்கே ஒரு புது அனுபவமாக இருக்கும். படப்பிடிப்பை அடுத்த மாதம் ஸ்டார்ட் பண்ண ப்ளான் பண்ணியிருக்கிறேன் என்றார் பூபதி பாண்டியன்.
'மலைக்கோட்டை' படம் ஃபுல் அண்ட் ஃபுல் ஆக்ஷன் படமாக இருந்தது, அதே போல இந்தப் படமும் ஆக்ஷன் வித் காமெடி கலந்த படமாக இருக்குமாம். திருநெல்வேலி, காரைக்குடி, திருச்சி ஆகிய இடங்களில் இப்படத்தின் படப்பிடிப்பு நடைபெற உள்ளது.
No comments:
Post a Comment