காஜல் அகர்வாலின் கால்ஷீட் பிரச்னையால் விஜய் நடிக்கும் படத்தின் வெளிநாடு படப்பிடிப்பு ரத்து செய்யப்பட்டுள்ளது.ஏ.ஆர். முருகதாஸ் இயக்கத்தில் விஜய், காஜல் அகர்வால் நடிக்கும் படம் ‘துப்பாக்கி. இப்படத்திற்கு 2 பாடல் காட்சிகளை சுவிட்சர்லாந்து நாட்டில் படமாக்க திட்டமிடப்பட்டது. ஆனால் அது திடீரென்று ரத்து செய்யப்பட்டது.
தமிழ், தெலுங்கு, இந்தி என 3 மொழி படங்களில் காஜல் அகர்வால் நடித்து வருகிறார். இதனால் அவர் 3 நாட்கள் மட்டுமே சுவிட்சர்லாந்து படப்பிடிப்பிற்கு வர முடியும் என்று கூறிவிட்டார்.
அது போதுமான நாட்களாக இல்லை, கூடுதல் நாட்கள் தேவைப்படுவதாக முருகதாஸ் தரப்பில் பேசப்பட்டது. ஆனால் காஜல் இதனை மறுத்துவிட்டார்.
மேலும் ஒளிப்பதிவாளர் சந்தோஷ் சிவனும், பிரியதர்ஷன் இயக்கும் நாடோடிகள் படத்தில் பணியாற்றுவதால் வெளிநாடு வர இயலாது என்று கூறிவிட்டார்.
அவருக்கு பதிலாக பாடல் காட்சிக்கு மட்டும் வேறு ஒளிப்பதிவாளரை தேடி வருகின்றனர்.
இப்பிரச்னைகளால் சுவிட்சர்லாந்து படப்பிடிப்பை ரத்து செய்த முருகதாஸ், 2 பாடல் காட்சிகளையும் மும்பை மற்றும் சுற்றுவட்டார பகுதிகளில் எடுக்க முடிவு செய்துள்ளார்.
காஜல் அகர்வாலுடன் லவ் டூயட் மற்றும் விஜய் அறிமுக பாடல் என 2 பாடல்கள் மும்பையிலே படமாக்கப்பட உள்ளன.
No comments:
Post a Comment